ILOILO CITY — Daku ang pagpasalamat sang mga residente sa Barangay East Baluarte, Molo sa gindala nga kalingawan kag lecture sa ikaayong lawas sang “Alagang Unilab” kaupod ang Aksyon Radyo Iloilo sang Agosto 30. 

Ang tanan nga beneficiaries naka-avail sang libre nga pamahaw, gunting, bulong, pedia kag adult consultation kag pag-check sang blood pressure kag zumba. 

Magluwas sini, may ginpanagtag man nga food packs kag libre nga Unilab vitamins.  Nalingaw man ang mga kabataan sa creative corner kag libre nga ice cream, samtang nagakapauli sang tag-lima ka kilo nga bugas kag cash ang mga residente nga nagpatiyog sa mini roleta. 

Naghatag man sang ihibalo ang gin-imbitar nga resource speaker para sa “Practical Wellness: Staying Healthy in Tough Times.”        

Ang Alagang Unilab bulanan nga programa sang Unilab kaupod ang Aksyon Radyo Iloilo, indi lang sa siyudad sang Iloilo kundi mangin sa probinsiya sang Iloilo.