ILOILO CITY — Masobra P1 million nga balor sang suspected shabu ang na-recover sang Regional Police Drug Enforcement Unit (RPDEU) sa 42-anyos nga maninoy kag menor-de-edad nga ihada sa Zone 6 Brgy. Boulevard, Molo kagab-i, Sept. 2.
Suno kay Police Lieutenant Colonel Alain Licdan, officer-in-charge sang RPDEU 6, na-monitor ang ilegal nga aktibidad sang mga subject tungod ang maninoy nakaagi na nadakpan sa buy bust operation sang 2022 kag nakaguwa paagi sa plea bargaining agreement sang 2023.
Samtang, gina-imbestigaran pa sang kapulisan ang iban nga detalye sang menor-de-edad nga babaye.
Ginpahayag ni Licdan nga may ka-transaksyon sa New Bilibid Prison ang mga subject nga ginakuhaan nila sang supply sang illegal drugs.
Nagabug-at sang 200 grams ang mga na-recover nga suspected shabu sa mga subject nga preso na sa Iloilo City Police Station 4. — Aksyon Paula Elambayo
