MANILA — Magabalik sa masunod nga tuig ang ginakalangkagan nga Aliwan Fiesta nga ginapasakupan sang mga bantog nga festivals sa Pilipinas.
Ini ang ginkumpirmar ni Mr. Ruperto “Jun” Nicdao, Jr., nga presidente sang MBC Media Group, nga nagapanag-iya sang Aksyon Radyo Iloilo.
“We’re already planning for the 2026 Aliwan Fiesta… in fact, earlier today, we started talking about where we’re gonna do it, how we’re gonna do it, and so forth. So definitely, we’ll have Aliwan Fiesta,” suno kay Nicdao.
Subong nga tuig, ginkanselar sang MBC Media Group ang Aliwan Fiesta tungod nagtupa sa Holy Week kag May 2025 Midterm Elections ang gin-propose nga schedule gani nabudlayan ang nagkalain-lain nga stakeholders.
Sa Aliwan Fiesta, nagatipon kag nagapaindis-indis ang nagkalain-lain nga festivals sa pungsod.
Matandaan nga nagkampeon ang Dinagyang Festival sang Iloilo sa Aliwan Fiesta 2024.
