ILOILO — Patay ang 56-anyos nga babaye sang nalukpan sang pusil sang iya bana sa Zone 1, Brgy Quipot, Janiuay.

Suno kay Police Lt. Alwyn Salmon, hepe sang Janiuay Police Station, nagapanglimpyo ang biktima sa ila cabinet sang nasalapay kag nahulog ang pugakang kag naglupok.

Naigo sa dughan ang babaye nga gindala pa sa ospital apang gindeklarar nga dead-on-arrival.

Gin-surrender naman sang bana ang iya pusil sa Janiuay police.

Indi na magpasaka sang kaso ang pamilya tungod kumbinsido sila ang aksidente ang natabu, suno sa police.