ILOILO — Arestado ang incumbent Barangay Kagawad sang Brgy. Matag-ub, Janiuay sa drug buy bust operation las-5:12 kahapon sang hapon, Nobyembre 15.
Sa operasyon sang Janiuay police, nadakpan si alyas Barok nga ginakabig High Value Individual (HVI).
Na-recover sa subject ang 14 ka sachets sang suspected shabu nga ginabanta nagabug-at sang 50 grams kag may standard drug price nga P340,000.
Base sa report sang police, nakabaton sila sang impormasyon halin sa concerned citizens sang banwa nga naga-engage ang kagawad sa illegal drug activity.
Naglab-ut sa tatlo ka bulan ang monitoring sang police sa subject tubtob nga gin-operate kag nadakpan.
Ginakuha sang subject ang supply sang illegal drugs sa Iloilo City, base sa intelligence report sang police.
