ILOILO CITY — Arestado ang 43-anyos nga beautician sa drug buy bust operation sa Brgy. Airport, Mandurriao kahapon, Agosto 2.
Ginkilala ang subject kay Stephene Eslaban alyas Panyang, street level individual (SLI) nga residente sang amo man nga barangay.
Suno kay Police Captain Val Alan Cambel, Officer-In-Charge sang Mandurriao Police Station, gin-ako sang subject nga naga-sideline siya sa pagbaligya sang illegal drugs pero wala na gindetalye ang iya rason.
Base sa monitoring sang police, magluwas sa Mandurriao, nagabaligya man si Eslaban sang illegal drugs sa Molo kag Arevalo.
Madugay na nga gina-monitor sang police ang illegal nga aktibidad sang subject, tubtob gin-operate kag nadakpan, suno kay Cambel.
Na-recover sa subject ang anum ka sachets sang suspected shabu, kag P3,000 nga buy bust money.
Ginabanta nagabug-at sang 5 grams ang illegal drugs nga nakuha sa subject kag may standard drug price nga P34,000, suno sa police.
