ILOILO CITY – Ginpuhag sang sunog ang mga residente sa Monterosa Subdivision sa Brgy. Hibao-an Sur, Mandurriao kagab-i, Marso 11.
Base sa impormasyon sang Aksyon Radyo Iloilo, nasunog ang bunkhouse nga napalibutan sang mga puno sang kahoy kag kahilamunan sa sulod sang subdivision. Suno sa mga residente, madugay na nga wala sang may nagatiner sa bunkhouse.
Ginpahayag ni Fire Officer 2 John Paquito Verano, imbestigador sang Iloilo City Fire Station, gina-stock sa lugar ang mga concrete epoxy, mga goma, kag iban pa nga construction materials.
Madasig nga napalong sang mga firefighters ang kalayo rason nga napunggan nga makalaton sa mga pamalay.
Ginabanta sa P150,000 ang kahalitan sang sunog.
Wala sang may napilasan sa insidente.
Gina-imbestigaran pa sang mga bombero ang ginhalinan sang kalayo. — via Aksyon Farrah Mae Morano
