ILOILO CITY — Dakup ang construction worker kag e-bike driver sa buy bust operation sang Iloilo City Drug Enforcement Unit sa Zone 2 Brgy. Rizal Lapaz pasado las-7:00 subong nga gab-i.
Main subject sa operasyon si alyas Lonel upod si alyas Randy nga residente sa lugar.
Suno kay Police Captain Roque Gimeno IlI, officer-in-charge sang (CDEU), duha ka bulan gin-monitor si Lonel antes ang operasyon.
Na-recover ang 13 ka sachets sang suspected shabu nga ginabanta nagabug-at sang 50 grams kag nagabalor sang P340,000.
Sa impormasyon sang police, nadakpan si Lonel sang 2016 may kaangtanan sa illegal drugs pero nakaguwa paagi sa plea bargaining agreement.
Ginpahayag sang police nga ginabaligya sang main subject sa Lapaz ang illegal drugs. Ginahibalo pa sang police ang source.
BACKGROUND SA BARANGAY
“Kapila na na namon sila ginlaygayan ni Kapitan ti way man sila nagapamati” ini ang pahayag ni Barangay Kagawad Marvic Sabit sa background sang duha.
Nalakip sa listahan sang Barangay Anti-Drug Abuse Council (BADAC) ang duha ka subject suno kay kagawad.
Preso sa custodial facility sang Police Station 2 sa Lapaz ang mga subject. — Aksyon Paula Elambayo
