ILOILO CITY — Naglab-ot sa 575 grams sang suspected marijuana ang nakuha sa subject sa buy bust operation sa Barangay Poblacion, Molo subong nga hapon.
Suno kay Police Lieutenant Lloyd Pagulayan, deputy chief of police sang Iloilo City Police Station 4 sa Molo, nakabaton sila sang impormasyon halin sa confidential informant nga magluwas sa Molo, nagadul-ong man sang suspected marijuana sa City Proper kag Arevalo ang subject nga si alyas Toto, 20-anyos.
Ginsugid man ni Toto sa police nga may nagakadto sa ila balay agud magbakal sang illegal nga druga pero sang gin-usisa sang police ang iya pamilya wala sila nakahibalo sang amo nga buluhaton sang ila himata.
Nagabalor P300 ang kada gramo sang marijuana suno kay Pagulayan.
Na-recover sa operasyon ang 22 ka sachets sang suspected marijuana nga ginabanta nagabalor P170,000. — Aksyon Maria Kayla Tingzon
