ILOILO CITY — Mahimo sang interventions ang City Social Welfare and Development Office (CSWDO) sa menor-de-edad nga nag-viral nga nagasaut nga naga-panty kag t-shirt sa bar sa Smallville Complex, Mandurriao.
Suno kay CSWDO head Terry Gelogo, bisitahon nila ang menor-de-edad agud ma-verify sang ila personnel ang iya matuod nga edad kag ma-assess kun ano ang natabo kag agud mahibaluan ang rason sa aktuwasyon niya.
Nag-coordinate na ang CSWDO sa Department of Social Welfare and Development suno pa kay Gelogo.
Nag-viral ang video sa social media may kaangtanan sa aktuwasyon sang dalagita nga nag-ani sang nagkalain-lain nga komento ilabe na sang pagpakamalaut.
Sa interview sang Aksyon Radyo Iloilo sa dalagita, ginpahayag niya nga handa man siya magkooperar kun ipatawag sang city government.
