ILOILO — Wasak ang tuo nga porsyon sang delivery truck sang nagtakilid sa taytay sa Brgy. Gines, Passi City las-5:30 kahapon sang aga, Hunyo 13.
Ginamaneho ni Leopoldo Felles Jr., 44-anyos sang Murcia, Negros Occidental, ang truck kag sakay ang pahinante nga si Allen Gan, 24-anyos nga taga-Bacolod City.
Suno kay PSSg John Hersly Fajardo, traffic investigator sang Passi City Police Station, indi masyado makita ang dalan kaina sang kaagahon rason nga nagsaka sa gutter ang truck, nakabunggo sa concrete barrier kag nagtakilid.
Tungod sini, nakaagum sang minor injuries ang driver kag pahinante.
Wala sang iban nga salakyan sa lugar sang natabo ang insidente rason nga wala sang iban nga napilasan.
Halin sa Calinog kag padulong sa Passi City ang truck para mag-deliver.
