ILOILO CITY — Gin-activate sang Police Regional Office 6 (PRO6) Disaster Incident Management Task Group (DIMTG) nga parte sang pagpanghanda sa bagyo Tino.
Nagmandu na si PRO 6 Regional Director, Brigadier General Josefino Ligan sa tanan nga Police Provincial kag City Police Offices nga siguraduhon ang kahandaan sang mga personnel.
Ginasuguro man nga may close coordination sa Regional, Provincial, kah Municipal Disaster Risk Reduction and Management Offices (DRRMOs), local government units (LGUs), kag iban pa nga concerned agencies para sa madasig nga response operations.
Nagapabilin sa heightened alert ang PRO 6 agud mapasiguro ang safety kag security sang komunidad.
Nagmando man si Ligan sa tanan nga units, lakip ang National Support Units, nga magpreparar sang ila mobility assets kag search and rescue (SAR) equipment para sa madasig nga deployment kon kinahanglanon.
Naka-standby ang Search and Rescue (SAR) Teams kag Reserve Standby Support Force (RSSF), halin sa Regional Headquarters kag police stations bilang preparasyon sa tion sang emerhensya.
“Your safety is our priority. Let us all take the necessary precautions and cooperate with authorities as we brace for the possible impact of the tropical cyclone,” pabutyag ni Ligan. — Aksyon Farrah Mae Morano
