ILOILO— Patay ang 31-anyos nga lalaki sang na-aksidente ang ginamaneho nga motosiklo sa Poblacion, Concepcion las-10:15 kagab-i.
Suno kay Police Chief Master Sergeant Edzel Casia, imbestigador sang Concepcion Municipal Police Station, padulong sa banwa ang motorsiklo nga ginamaneho ni Kenny Mark Baldeolvar Aposaga antes na-aksidente.
Sa imbestigasyon sang police, posible na-miscalculate sang driver ang pagmaneho gani naglapaw kag nagsaka sa gutter tubtob nakabunggo sa poste.
Wala sang suksok nga helmet ang driver gani nakaagum sang pilas sa ulo, suno kay Casia.
Gindala pa sa ospital ang driver pero gindeklarar nga dead-on-arrival. — Aksyon Farrah Mae Morano
