Driving skills mangin requirement na sa pag-apply sa PNP–DILG Sec. Remulla

ILOILO CITY–Mangin requirement na ang driving skills sa pag-apply sa Philippine National Police (PNP).

Ini suno kay Department of the Interior and Local Government (DILG) Secretary Jonvic Remulla sa iya pagpadulong sa Iloilo City para sa blessing kag turn-over sang 20 ka Unified 911 emergency response motorcycles sa Police Regional Office (PRO) 6, kaina sang aga.

Lakip sa amo nga requirement nga dapat makahibalo magmaneho ang mga police sang two-wheeled kag four-wheeled vehicles.

“Hindi lahat marunong magmaneho eh, so it hinders performance,” suno kay Remulla.

Mapaguwa ang DILG sang Memorandum Circular (MC) agud mangin epektibo ang bag-o nga requirement sa mga kapulisan.

Tinutuyo sang amo nga requirement nga mapasangkad ang serbisyo publiko kag mapadasig nag pagresponder sang kapulisan sa tion sang emerhensya.