ILOILO CITY — Masobra duha ka bulan ang monitoring sang mga pulis antes nadakpan ang subject sa drug bust operation sa Brgy. Magsaysay, City Proper, las-11:45 kagab-i.
Suno kay Police Captain Roque Gemino III, head sang City Drug Enforcement Unit (CDEU), drug surrenderer kag nalakip sa Barangay Anti-Drug Abuse Council (BADAC) ang subject nga si alyas Bong, 47-anyos.
Personal nga ginakuha sang mga parokyano ni Bong sa iya balay ang illegal drugs nga naghalin pa sa Lapuz kag City Proper.
Na-recover sa subject ang ginabanta 130 grams nga kabug-aton sang suspected shabu nga nagabalor sang P884,000.
Ginapreparar sang pulis ang kaso nga paglapas sa Republic Act 9165, ukon Comprehensive Dangerous Drugs Act of 2002. — ARI trainee Robert Nietes
