ILOILO — Nahulog sa kanal ang tricycle nga ginamaneho sang 15-anyos nga menor de edad sakay ang 13-anyos niya ng abyan sa Purok 3, Pavia pasado hapon, Disyembre 17.
Suno kay Police Staff Sergeant Ronnie Labiaga, imbestigador sang Pavia Municipal Police Station, halin sa banwa ang tricycle kag pakadto sa Barangay Tigum sang nag-overtake ini sa salakyan.
Tungod mataas ang porsyon sang dalan sa diin natabu ang aksidente, nadulaan sang kontrol ang driver rason nga ginwarik niya pa-tuo kag nahulog sa kanal.
Nakalumpat pa ang mga menor-de-edad antes nahulog ang tricycle sa kanal.
Nakaagum sang gasgas sa nagkalain-lain nga parte sang ila lawas ang duha ka menor.
