ILOILO—Dalagku sa gihapon nga balor sang illegal drugs ang nagaka-recover sang kapulisan sa drug buy bust operation.
Sa gin-conduct nga operasyon sang Provincial Drug Enforcement Unit (PDEU) sa Brgy. Buray, Oton, na-recover ang 320 grams sang suspected nga may standard drug price nga P2,176,000.
Subject sang operasyon si alyas Scooby, 46-anyos nga empleyado sang Oton LGU.
Gin-ako ni Scooby nga drug user siya kag gina-drop lang suno sa iya ang item sa nahisugtan nga lugar kag ginakuha niya. Indi niya kilala ang iya ka-transaksyon.
Gin-ako man niya nga nagsulod siya sa pagbaligya sang illegal nga druga agud mapa-eskwela niya ang duha ka bata niya nga yara sa college. Magluwas sini, nagakaubos man sa online game nga scatter ang iya sweldo sa munisipyo.
Na-assign si Scooby bilang enforcer sa Municipal Environment and Natural Resources Office ukon MENRO sang Oton LGU — Aksyon Farrah Mae Morano
