ILOILO — Dead-on-arrival sa ospital ang 18-anyos nga estudyante sang nalumos samtang nagapaligo sa suba sa Sitio Dawis, Brgy. Poblacion, Ajuy pasado la-1:00 kahapon sang hapon.
Suno kay Police Captain John Michael Dalipe, hepe sang Ajuy Municipal Police Station, naka-inom sang makahulubog nga ilimnon ang estudyante sang natabo ang insidente.
Sa imbestigasyon sang police, nag inom-inom ang estudyante upod ang tatlo pa ka mga abyan.
Gintinguhaan pa nga buligan sang iya mga upod ang estudyante apang wala natabangan tungod sa mabaskog nga daludo sang tubig.
Nag-abot sa lugar ang Bureau of Fire Protection-Ajuy, Ajuy Municipal Disaster Risk Reduction and Management Office, Barangay Tanod kag mga pumuluyo agud mag-augment sa pag-rescue sa estudyante.
Pasado las-4:00 sang hapon sang nakita ang bangkay. — Aksyon Maria Kayla Tingzon
