Iloilo City—Patay ang manugbaligya isda sang gintiro sa Iloilo Terminal Market nga sakop sang Barangay Flores, City Proper las 2:30 kaina sang kaagahon.
Ginkilala ang biktima kay Melvin Roque sang Rizal Pala-Pala II, City Proper.
Nagatindog sa entrance sang merkado ang biktima sang ginpalapitan sa likod sang wala makilala nga suspek kag gintiro sang makapila ka beses.
Sa initial nga report, may walo ka pilas sa lawas ang biktima.
Anum ka basiyo kag duha ka slugs sang .9mm ang na-recover sa crime scene.
Naglakat-lakat pa ang suspek antes nagsakay sa motorsiklo kag nagpalagyo suno sa mga nakakita.
