ILOILO CITY — Nagapanilag pa si Mr. Salvador “Jun” Capulot, Jr. sa sitwasyon sang pulitika sa siyudad sang Iloilo antes magdesisyon kun ano nga posisyon ang iya padalaganan sa 2025 national kag local elections.

Ginpahayag ni Capulot nga sa subong, wala pa siya ang final nga desisyon para sa masunod nga eleksyon tungod nagapadayon pa ang pag-istoryahanay nila sang iya grupo.

Ginpabutyag niya nga bisan nagbunggu-anay sila ni Iloilo City Mayor Jerry Treñas sa pagka-alkalde sang 2022 elections, bukas siya sa posibilidad nga mag-upod sa grupo sang alkalde tungod wala man sila sang personal nga away.

Suno pa sa iya, magadesisyon lang siya kun malapit na ang eleksyon.