ILOILO CITY — Pagbaligya sang prutas kag illegal drugs ang nagaserbe nga palangabuhian sang subject nga nadakpan sa buy bust operation sa Brgy. Banuyao, La Paz sang Nobyembre 28.
Suno kay Police Major Marvin Villanueva, deputy chief sang Regional Police Drug Enforcement Unit (RPDEU)-6, ginakuha sang parokyano ang illegal drugs sa pwesto sang subject nga si alyas Boss, 31- anyos.
Residente sang Lapuz Sur ang subject.
Na-recover sa subject ang ginabanta 160 grams nga kabug-aton sang suspected shabu nga nagabalor sang P1,088,000. — ARI trainee Robert Nietes
