ILOILO CITY – Wala pa lubos nga gin-deploy ang kabug-usan nga security forces para sa Dinagyang Festival 2024 pagkatapos sang sendoff ceremony sa Iloilo Freedom Grandstand kahapon, Enero 25.
Suno kay Police Major Shella Mae Sangrines, spokesperson sang Iloilo City Police Office (ICPO), una nga ginpahamtangan sang kapulisan ang areas sang mga food festivals sa City Proper kag Mandurriao agud masiguro ang kalinong kag katawhay.
Ang iban nga puwersa, ginaplastar pa subong sa ila billeting areas ilabe na ang mga security forces nga nag-augment sa siyudad nga halin sa iban nga lugar.
Gipahayag ni Sangrines nga ginareserba ang iban nga forces sa mga major activities kag sa highlights sang Dinagyang Festival agud indi sila pagkapuyon.
Sa kabug-usan, 8,600 ka mga security forces halin sa nagkalain-lain nga law enforcement agencies ang i-deploy para sa Dinagyang nga ang highlights masugod buwas, Enero 26 tubtob 28.
