Madamo nga mga Ilonggos kag pangayaw ang nagreklamo sa ginpatuman nga mobile phone signal shutdown para sa Dinagyang Festival 2023 sang weekend nga naka-apekto sa bilog nga siyudad subong man mga kaiping nga kabanwahanan.
Ginpatuman ang signal shutdown sa city proper area ilabe na sa Freedom Grandstand, Plaza Libertad, Plazoletagay area, provincial capitol, Iloilo Central Market, University of Iloilo kag sa SM Delgado.
Una na ginpasiguro sang mga organizers nga selected areas lang ang may signal shutdown halin las 6 sang aga tubtob las 2 sang hapon sang Sabado kag Domingo.
Apang nakabaton sang impormasyon ang Aksyon Radyo Iloilo nga na-eksperyensyahan man ang signal shutdown sa Oton, Pavia, Leganes kag Guimaras.
