ILOILO—Anum ka sachets sang suspected shabu ang na-recover sa drug buy bust operation sa Rizal Pala Pala 2, City Proper kagab-i, Enero 8.
Ginkilala ang subject kay Henwen Roque alyas Quinnie, 30-anyos sang amo man nga lugar kag ginakabig sang police nga High Value Individual (HVI).
Suno kay Barangay Kagawad Gloria Jardeleza, napresu man sadto sang Disyembre 2022 ang subject sa kaso may kaangtanan sa illegal drugs.
Wala na-monitor sang barangay ang illegal activities sang subject, suno kay kagawad Jardeleza.
Ginpahayag ni Police Captain Roque Gemino III, OIC sang City Proper Police Station, Disyembre pa sang nagligad nga tuig gin-monitor ang hulag sang subject pero subong lang nadakpan.
70 grams sang suspected shabu nga may standard drug price nga P476,000 ang na-recover sa subject subong nga gab-i.
Sa initial nga impormasyon sang police, kay alyas JR sang Desamparados, Jaro ginakuha sang subject ang supply sang illegal drugs.
