ILOILO — Malapit tunga sa million nga balor sang suspected shabu ang na-recover sa drug buy bust operation nga gin-conduct sa Sitio Nabitasan, Brgy. Poblacion Sur, Balasan kahapon, Disyembre 2.
Subject sa operation ang delivery boy nga si alyas Agi, 38-anyos, residente sang nasambit nga barangay.
Nabaklan ang subject sang isa ka sachet sang suspected shabu sa balor nga P7,000.
Nakuha pa gid sa subject ang dugang nga duha ka dalagko nga pinutos sang suspected shabu nga naglab-ot sa 67.8 grams ang kabug-aton.
Ginaproseso na sang kapulisan ang pagpasaka sang kaso nga paglapas sa Republic Act No. 9165 ukon Comprehensive Dangerous Drugs Act of 2002 batok sa subject. — Aksyon Maria Kayla Tingzon
