Preparado ang pila ka mga aktibidad sang Iloilo Provincial Government para sa pagselebrar sang ika-122 nga Semana sang Iloilo halin Abril 11 tubtob 14
Hiwaton subong nga aga ang Fun Walk/Street Dance ang mga provincial capitol employees sa kick-off ceremony.
Hiwaton ini halin sa Sunburst Park, pakadto sa Iloilo Provincial Capitol Grounds kag pagasundan sang simple nga programa kag Cheerdance competition.
Tungod sini, nagpaguwa sang traffic advisory ang provincial government nga temporaryo nga siraduhan ang isa ka lane sang JM Basa Street halin las-7 sa aga tubtob las-8 sa aga.
Lakip man sa mga aktibidad ang Sumakwelan exhibit, Food Festival sa Capitol grounds, Bloodletting activity, MSMEs Trade Fair, Laro ng Lahi competition kag Search for Mutya ng Barangay Kapitolyo.
Ginakabig naman ni Iloilo Governor Arthur Defensor, Jr. nga daku nga selebrasyon ang Semana sang Iloilo tungod nga nangin investment destination ang probinsiya sa idalum sang development agenda nga “MoRProGRes Iloilo ukon Movement for a Robust, Progressive, Globally-competitive, and Resilient Province of Iloilo.”
