ILOILO CITY — Duha tubtob tatlo ka bulan nga gin-monitor sang Regional Police Drug Enforcement Unit ukon RPDEU 6 ang pagbaligya sang illegal drugs sang 55-anyos nga lalaki sa Santa Cruz, Arevalo.
Suno kay Police Major Glen Soliman, assistant chief sang RPDEU, una nag-conduct sila sang drug bust kag nabaklan sang isa ka sachets sang suspected nga shabu si alyas Erick.
Ginrekisa sang pulis ang subject kag nakuhan sang anum ka sachets sang suspected nga shabu.
Ginserbe man nila ang search warrant. Nakuha sa second floor sang balay ni Erick ang mga dalagku pa nga sachets sang suspected nga shabu nga nagabug-at sang 500 gramos.
Sa kabug-usan, 550 grams sang illegal drugs ang nakuha sa subject nga may market value nga P3,400,000.
Na-recover man ang isa ka 9mm pistos kay Erick.
Isa na ka tuig nga may nabaton nga impormasyon ang RPDEU nga nagabaligya sang illegal drugs si Erick.
Magluwas sini, nagaguwa man ang ngalan ni Erick sa mga nagliligad nga nadakpan sa drug bust.
Sang 2015, nadakpan man siya sa operation sang Philippine Drug Enforcment Agency (PDEA) kag sang 2022 ukon 2023 lang siya nakaguwa sa presuhan, suno kay Soliman.
