Ginkumpirmar ni Iloilo Governor Arthur Defensor, Jr. nga nakapili na siya sang iya running mate para sa 2025 midterm elections.
Apang nagbalibad anay nga maghatag sang pangalan ang gobernador tungod man sa pangabay sa iya.
May isa pa suno sa iya ka semana agud mapakilala ang iya mangin running mate.
Ang mga kunsiderasyon ni Gov. Defensor sa iya mangin running mate amo nga “Willing to partner, Hardworking for Bagong Pilipinas and for MoRProGRes Iloilo kag dapat supporter sang BBM administration.”
Si Defensor sa nahibaluan ang ginpili nga Vice President for Visayas sang Partido Federal ng Pilipinas, ang partido ni President Ferdinand Marcos, Jr.
Nagapati naman ang gobernador nga may kontra siya sa palaabuton nga eleksyon.
Gin-athag ni Defensor nga sa subong “one election at a time” lang anay kag wala pa niya ginapaminsar ang 2028 agud makalikaw sa kumplikado nga sitwasyon.
“Ang aton ya nga attitude sa pulitika, kita iya, one election at a time. Waay naton ginapaminsar ang 2028 kay kun ginahimo naton na, mangin kumplikado ang aton sitwasyon.”
May anum ka mga nagguwa nga pangalan agud mangin ka-tandem sang gobernador sa palaabuton nga eleksyon nga amo kanday, Miagao Mayor Richard Garin, Uswag Ilonggo Party-list James “Jojo” Ang, 2nd District Cong. Michael Gorriceta, 4th District Cong. Ferjenel Biron, 4th District Board Member Domingo Oso kag 5th District Cong. Raul Tupas.
