Iloilo province may pinakadaku nga GDP sa Western Visayas

Nagapanguna ang probinsiya sang Iloilo nga may pinakadaku nga Gross Domestic Product (GDP) sa Western Visayas sang nagligad nga tuig.

Suno kay Engr. Jerry Dulutan, Supervising Statistical Specialist sang Philippine Statistics Authority (PSA) Iloilo, naglab-ut sa 1.4% ang growth rate sang probinsiya sang 2024.

Base sa data sang PSA, naka-record ang Iloilo Province sang P218.86 billion nga GDP, ginsundan sang Iloilo City nga may P171.57 billion, Capiz nga may P83.58 billion, Antique nga may P75.75 billion, Aklan nga may P73.86 billion kag Guimaras nga may P18.15 billion.

Samtang, may pinakadaku nga share sa ekonomiya sang probinsya ang Services nga may 59%, Industry nga may 21.3%, kag Agriculture, Forestry and Fishing nga may 19.0%. — ARI trainee Decyrrie Diamante