ILOILO — Na-diagnose nga may psychosis ang 27-anyos nga iloy nga nagsulod sa iya 11 ka bulan nga bata sa drum sa Barangay Sipitan, Tigbauan.
Suno kay Dr. Jeffrey Rivas, Medical Officer V sang Tigbauan Rural Health Unit, sang ginpaidalom sa physical examination ang iloy, normal ang tanan kag indi siya bayolente gani gin-check kon may ginasuprer nga mental health condition.
Ini ang base man sa aktwasyon sang iloy nga indi ma-istorya, nagapalanglapsi kag nagaka-urungan.
Sa pagpangusisa sang doktor sa iya live-in partner kag nanay nga lola sang bata, ila ginpabutyag nga may mga tion nga nagahambal lang siya samtang naga-isahanon tungod naga-hallucinate kag may “nagahutik.”
Ginresetahan sang bulong ang iloy agud makabulig sa iya kondisyon.
Ginpabutyag man ni Dr. Rivas nga ini ang labing una nga tion nga ginpakonsulta sang pamilya ang ila himata.
Ginalantaw man nga factor suno sa iya ang post-partum disorder pero ginpahayag sang pamilya nga antes pa man nagbusong ang iloy, nanotisyaran na nila ang mga patimaan sang psychosis. — Aksyon Maria Kayla Tingzon
