Hiwaton ang inauguration sang Enhanced Local Public Transport Route Plan (LPTRP) sa Enero 12 sa masunod nga tuig.
Ini suno kay Mr. Rizalito Alido, presidente sang Western Visayas Alliance of Transport Cooperative and Corporation, Inc. sa siyudad sang Iloilo.
Sa amo man nga adlaw ma-umpisa ang pagpatuman sang Enhanced LPTRP sa 25 ka mga bag-o nga ruta sa diin ma-operate ang 512 ka modernized jeepneys.
Suno kay Alido, matambong sa inauguration si Iloilo City Mayor Jerry Treñas.
2022 sang una gin-implementar ang LPTRP sa siyudad pero gin-postpone tungod kulang sa preparasyon ang Iloilo City government.
