ILOILO — Ginkabig sang Police Regional Office 6 nga top 2 most wanted person si John Castro Jr., suspect sa pagpatay kay Kagawad Joevanie Triste sa Tigbauan sang Oktubre 24.
Ginserbihan sang warrant of arrest sa kaso nga murder si Castro sang Disyembre 10 sa Barangay Bagumbayan, Tigbauan.
Una na ginpahayag ni Castro nga nag-surrender siya sa kapulisan pero nanindugan naman si Police Captain Alfred Mansoy, hepe sang Tigbauan Municipal Police Station, nga nakaplastar na sila sa lugar kun diin nagatiner ang suspect kag ila gin-aresto.
Preso sa Tigbauan Police Station si Castro. — Aksyon Maria Kayla Tingzon
