ILOILO– Nakabunggo ang pick-up sa fast food chain sa Brgy. Libot, Calinog kahapon, Disyembre 12.
Suno kay Police Staff Seargent Rex Amarin, imbestigador sang Calinog Municipal Police Station, ma-park kuntani ang driver sang salakyan sa fast food chain sang accelator ang natapakan niya imbes nga preno samtang naga-backing.
Tungod sini, nagdiretso ang salakyan kag nabuka ang puwertahan sang establisimento.
Wala sang napilasan sa insidente. Naguba naman ang bumper sang salakyan. — Aksyon Paula Elambayo
