Kahublagan Kontra Kurapsyon mahiwat sang “Panay People’s SONA” kadungan sang SONA ni PBBM

ILOILO CITY — Magatipon ang nagkalain-lain nga progresibo nga grupo para sa “ Panay People’s SONA” sa Hulyo 27 sang aga para sa State of the Nation Address ukon SONA ni President Ferdinand Marcos, Jr.

Suno kay Mr. Raoul Manuel, convenor sang Kahublagan Kontra Kurapsyon, las-8 sang aga may forum nga pagahimuon sa UP Visayas Little Theater.

Pasado las-11 maga-umpisa ang ila protest march halin UP Visayas pakadto sa Capitol grounds. May malip-ot nga programa nga pagahiwaton sa guwa sang kapitolyo agud mapalab-ot sa publiko ang ila mga panawagan nga luyag ipalab-ot sa administrasyon.

Sa General Luna Street malabay ang mga ma-upod sa rally pakadto sa kapitolyo.

Mabutang man sila sang viewing sa Little Theater sa mga luyag maglantaw sang SONA.