ILOILO — Dead-on-arrival sa ospital ang 48-anyos nga lalaki sang ginbuno sang iya kasilingan sa Barangay Barosbos, Carles las-8:50 kagab-i, Hunyo 24.
Ginkilala ni PLT. Cedrick Cruz, deputy commander sang Carles Police Station ang biktima kay Rowe Dangiban nga residente man sang amo nga barangay.
Suno kay Cruz, may tatlo ka pilas sa likod sang iya lawas ang biktima.
Arestado naman ang suspek nga ginkilala kay Leonoro Amistoso, 35-anyos.
Base sa imbestigasyon sang pulis naga-inom sa balay sang iya utod ang biktima upod ang iya mga abyan sang gulpi lang nag-abot si Amistoso kag ginbuno sang tatlo ka beses ang biktima kag gilayon man nga naglakat.
Daan nga hiligut-anon ang ginalantaw nga motibo sang pulis sa insidente.
