ILOILO — Wala sang kadudlaan ang 40-anyos nga anay preso sang liwat nga nadakpan sa buy bust operation sa Brgy. San Andres, San Rafael sang Agosto 23.
Sang 2023 una nga nadakpan sa buy bust operation ang subject nga ginkilala kay alyas Michael nga residente sang amo nga barangay.
Suno kay Police Lieutenant Francis Carona, officer-in-charge sang San Rafael Municipal Police Station, tungod nakaagi na nadakpan ang subject liwat nga na-monitor ang ilegal niya nga aktibidad.
Nagabalor sang P47,600 ang suspected shabu nga nagabug-at sang 7 grams.
