ILOILO — Tuman ang paghinulsol sang 24-anyos nga Grade 12 student sang nakuhaan sang P400,000 balor sang suspected shabu sa buy bust operation sa Brgy. Tabunan, Lemery, sang Agosto 23 sang gab-i.
Suno kay Police Staff Sergeant Jeffrey Delos Reyes, imbestigador sang Lemery Municipal Police Station, isa ka bulan gin-monitor ang subject antes nadakpan.
Dugang pa ni Delos Reyes, nag-ako ang subject nga naga-engage sa illegal drugs.
Na-recover sa subject ang tatlo ka dalagko nga sachets sang suspected shabu kag ginabanta nagabug-at sang 60 grams.
Nagatrabaho bilang houseboy ang subject. — ARI trainee reporter Robert Nietes
