ILOILO — Pagpangimon ang ginasundan nga anggulo sang Pavia Police sa shooting incident nga nagluntad sa Brgy. Purok 4, Pavia las-12:40 kahapon hapon, Disyembre 1.
Suno kay Police MSgt. Luther Maderse, imbestigador sang Pavia Police Station, kagab-i pa lang ginpaandaman na sang suspect nga si Arnold Viejo ang biktima nga si Joven Job nga indi na magpakita sang nag-abtanay sila sa salon ni Lyn.
Si Lyn ang anay live-in partner sang suspek kag karelasyon naman subong sang biktima.
Pasado las-11 kaina sang aga, nagbalik sa salon ang suspetsado kag naabtan niya liwat ang biktima.
Ginkompronta sang suspek ang biktima kag ginpamangkot kun ano gid ang iya plano kay Lyn. Nagluntad ang indi pag-intiendihanay sa duha tubtob nga ginkuha sang suspetsado ang 12 gauge shot gun niya nga dala sa iya bag kag gintiro ang biktima.
Naigo sa wala nga porsyon sang likod ang biktima. Nagpukutay pa sila sang suspect tubtob nga nag-uy-oy na lang ang biktima.
Nadakpan sang police ang suspek kag na-recover man ang pusil nga gingamit sa krimen.
Nahibaluan nga may tatlo ka kabataan ang suspek kag si Lyn nga naga-edad 14, 12, kag 10 ka tuig.
Mga apat ka bulan na nga wala naga-upod si Lyn kag ang suspek tungod indi sila mag-intiendihanay,
Mga duha ka bulan naman ang relasyon ni Lyn kag sang biktima nga nakilala niya sa social media. — via Aksyon Khenjo Terco
