ILOILO — Patay ang 27-anyos nga lalaki sang nalumos sa baybay sa Brgy. Binon-an, Batad kahapon, Hunyo 28.
Suno kay Police Chief Master Sergeant William Millamena, public information officer sang Batad Municipal Police Station, nagkadto sa baybay ang lalaki tungod may family outing.
Yara sa impluwensiya sang makahulubog nga ilimnon ang lalaki sang naglangoy upod ang iya hinablos.
Nagbalik sa cottage ang hinablos kag makaligad ang pila ka minutos natalupangdan nga wala na nakabutwa ang lalaki.
Pasado la-1:30 sang nakit-an sang mangingisda ang lawas sang lalaki ginabanta 10 ka metro ang kalayuon sa higad sang baybay.
Gindala sa ospital ang lalaki pero gindeklarar nga dead-on-arrival. — Aksyon Paula Elambayo
