ILOILO CITY — Ginkumpirmar ni Ms. Angel Tan, spokesperson sang MORE Power nga ginalantaw nga overloading tungod sa illegal connection ang gintunaan sang pagkasunog sang mga linya sang kuryente sa North Baluarte, Molo.
Ginpaathag ni Tan nga nakabugkos na ang linya sang kuryente kag mga linya sang telco ang nagawayway.
Ang pagbugkos sang mga linya sang kuryente ang pamaagi sang MORE Power agud mahipid tan-awon kag wala nagawayway ang mga linya.
Ginpabutyag ni Tan nga regular man ang ila pag-check sa mga linya sang kuryente pero indi malikawan nga may yara sang naga-jumper ukon illegal electrical connection. — Aksyon Maria Kayla Tingzon
