ILOILO — Arestado ang barangay tanod sang nadakpan sa drug bust operation sang San Joaquin Municipal Police Station — Station Drug Enforcement Team sa Brgy. Lawigan, San Joaquin kahapon, Oktubre 23.
Suno kay Police Captain Isagani Tabares, hepe sang San Joaquin Municipal Police Station, may concerned citizen nga nag-report sa makaduluda nga aktibidad sang subject.
Taga- Brgy. Igcores, San Joaquin ang 57-anyos nga subject.
Sang gin-monitor sang mga pulis, na-validate nga naga-engage sa illegal drugs ang subject gani gin-operate kag nadakpan.
Nagakuha sang supply sang illegal drugs ang subject sa Iloilo City kag ginabaligya sa mga barangay sa San Joaquin.
Nagabalor sang P408,000 ang mga na-recover nga suspected shabu sa subject nga ginakabig high-value drug personality. — Aksyon Paula Elambayo
