ILOILO — Napatay samtang ginabulong sa ospital ang 35-anyos nga driver sang motorsiklo nga nakabunggo sa metal railings sa Brgy. Mangorocorro, Ajuy sang Abril 19 sang kaagahon.
Suno kay Police Staff Sergeant Nixon Estacion sang Ajuy Municipal Police Station, papuli na sa Brgy. Pedada ang lalaki nga halin sa police station sang na-aksidente.
Nagpadulong sa police station ang lalaki tungod may nagreklamo sa iya tatlo ka utod kag pakaisa sang alarm and scandal tungod sa kahulugbon.
Yara sa impluwensiya sang makahulubog nga ilimnon ang driver sang motorsiklo, suno sa police.
Gindala sa Sara District Hospital ang lalaki pero gin-refer sa ospital sa siyudad.
Kahapon sang aga, napatay sa ospital ang lalaki tungod sa patal nga pilas sa ulo suno sa police. — Aksyon Paula Elambayo
