ILOILO CITY — Dakop ang mag-live in partner sa drug buy bust operation sa Zone 2, Brgy. San Juan, Molo las-6:25 sang gab-i, Setyembre 9.
Si alyas Negro, 38-anyos nga construction worker kag residente sang amo man nga barangay kag alyas Lita, 31-anyos sang Ticud, La Paz ang mga nadakpan.
Suno kay Police Captain Gimel Acuesta, OIC sang Police Station 4 sa Molo, ginadul-ong sang duha ang illegal drugs depende sa mabakal.
Sa pagpangusisa sang police, napreso na sang 2017 sa kaso nga frustrated homicide si Negro, suno sa police.
Kaina, na-recover sa duha ang 13grams sang suspected shabu nga may standard drug price nga P88,400.
Ginpabutyag ni Acuesta nga may ginmitlang ang subject nga ginakuhaan nila sang supply sang illegal drugs sa Molo pero gina-imbestigaran pa sang police. — via Aksyon Farrah Mae Morano
