ILOILO CITY — Dakup sa buy bust operation sang Iloilo City Drug Enforcement Unit (CDEU) ang mag-live in partner sa Brgy. Calaparan, Arevalo kagab-i, Hunyo 26.
Ginkilala ang mga nadakpan kanday alyas Beverly, 31-anyos kag alyas Lloyd, 32-anyos.
Suno kay Police Captain Ryan Christ Inot, officer-in-charge sang Police Station 4, paryente ni Jovan Abantao sang Abantao Drug Group si Lloyd.
Sa monitoring sang police, nagahalin ang supply sang illegal drugs sang mga subject sa Arevalo.
Sa operasyon sang police, na-recover ang apat ka sachet sang suspected shabu kag duha ka dalagku nga sachet sang suspected shabu nga nagabalor sang P476,000. — Aksyon Paula Elambayo
