Mag-utod dakup sa drug buy bust operation sa Brgy. Baldoza, La Paz

ILOILO CITY — Arestado sang Iloilo City Police Station 2- Station Drug Enforcement Team ang mag-utod sa drug bust operation las-10:05 kagab-i, Nobyembre 1.

Subject sa operation kanday alyas Toto, 47- anyos, kag alyas Nonoy, 39- anyos, residente sa lugar.

Suno kay Police Captain Jeffrey Delgado, officer-in-charge sang La Paz Police Station, may tyangge ang mag-utod kag diri ginapaagi ang transaksyon sang illegal nga druga sa mga parokyano sa lugar.

Halin man lang sa La Paz ang source sang illegal nga druga sang mga subjects.

Na-recover ang ginabanta 50 grams sang suspected shabu nga nagabalor sang P340,000. — ARI trainee Robert Nietes