ILOILO CITY — Ginkumpirmar sang amay sang 15-anyos nga solterito nga naglumpat sa Iloilo River nga sakop sang Barangay Rizal, La Paz nga gindeklarar nga patay ang iya bata pag-abot sa ospital.
Suno sa amay nga si Junjun Benasas, pag-abot sa ospital ginhambalan siya sang doktor nga wala na sang pulso ang iya bata nga si AJ.
Dugang niya, ginhambalan man siya sang taga-ICER nga wala na sang pulso ang iya bata kag gin-revive pa nila.
Nagdesider si Benasas nga dal-on pa sa ospital ang iya bata tungod basi matabangan pa.
Naglawig sang ginabanta isa ka oras kag tunga ang pagpangita kay AJ. — Aksyon Maria Kayla Tingzon
