ILOILO CITY – Ginapadalman sang Mandurriao police ang tanan nga anggulo sa pagguba sang armado nga grupo sa balay sa Brgy. Bakhaw, Mandurriao mga las-11:30 sang gab-i sang Hunyo 20.
Ini ang ginmandu ni Iloilo City Police Office (ICPO) Director Police Colonel Joeresty Coronica agud mahibaluan ang mga responsable sa insidente nga nagresulta sang pagkapuhag kag kahangawa sang mga residente.
“I find it unusual nga kun sa diin pa nga ang Bakhaw matawhay na as compared sang mga nagliligad and even the barangay captain can attest to this nga nagtawhay na ang Bakhaw, may amo pa ni nga natabo. I don’t think nga makahambal ako kun may vigilante [nga grupo because] it’s too early to speculate but I already instructed my station commander to thoroughly investigate this incident para mabal-an naton kun sin-o gid bala ang responsable sini,” suno kay Coronica.
Lakip sa gina-imbestigaran sang Mandurriao police kun may nakontra kag basi ginbalusan lang ang tagbalay.
Nagpanugyan siya nga wala sang dapat nga kahangaw-an ang mga residente tungod may police personnel nga na-deploy sa barangay agud masiguro nga indi masundan ang insidente.
Read background: https://bit.ly/3NCnfzi
