ILOILO — Pilas sa tiyan, ulo kag kamot ang naagum sang biktima sang pagpanglabo sa Barangay Jawod, San Joaquin las-6 kagab-i.
Biktima sa insidente si alyas Esteban 43-anyos samtang suspect ang iya bayaw nga si Herminio, 58-anyos.
Suno kay Police Captain Marion Asparo, officer-in-charge sang San Joaquin Municipal Police Station, nagkadto ang suspect sa balay sang biktima agud papulion ang iya asawa.
Sa impormasyon nga nakuha sang mga pulis, ginpalayas sang suspect ang iya asawa isa ka bulan na ang nagligad kag didto nagtiner sa ila lugar sa Tigbauan.
Ginpilit sang suspect ang iya asawa nga magpauli pero wala nagpasugot. Sang nakita naman sang suspect ang biktima, sa iya napaupok ang kaakig gani ginlabo.
Nadakpan ang suspect kag pasakaan sang kaso nga frustrated murder. — Aksyon Maria Kayla Tingzon
