ILOILO — Masobra P1 million nga suspected shabu ang na-recover sa buy bust operation sa Brgy. Punong, Passi City las 2 kahapon sang hapon.
Ginkilala kay Alyas Nonoy, ang subject, 36 anyos nga driver nga naga-istar sa Leganes kag ginakabig sang pulis nga high value individual drug personality.
Na-recover sang Station Drug Enforcement Team (SDET) sang Passi City Police Station,
ang 18 ka sachets sang suspected shabu nga nagabug-at sang 150 grams kag may standard drug price nga P1,020,000.
Suno kay Police Lieutenant Colonel Benjo Clarite, hepe sang Passi City Police Station, naghalin ang source sang subject sa syudad sang Iloilo.
Sa subong, padayon ang follow up operation sang kapulisan nahanungod sa ginhalinan sang suspected shabu. –– Aksyon Trainee reporter Decyrrie Diamante
