ILOILO — Nag-surrender ang barangay tanod nga suspek sa shooting incident sa Brgy. Sulangan, Dumangas sang Hulyo 27.
Base sa inisyal nga impormasyon, nagkadto sa Leganes MPS si Tanod Garry Sustento pero ginpapuli sang abogado halin sa Public Attorney’s Office (PAO) tungod natapos na ang hot pursuit operation batok sa iya.
Ginpahayag sang Dumangas police nga ipa-athag na lang sang suspek sa korte ang iya bahin sa natabo.
Madumduman nga natiruhan ang biktima nga si Samuel Adelantar sa ila ugsaran kag naigo sa tiyan. Estable na ang biktima. — ARI trainee reporter Decyrrie Diamante
